FSHP

Lantamentu di Kolegio Erasmo tabata inisiativa di algun mayor ku tabata deseá un enseñansa mas kreativo pa nan yunan. Nan a skohe pa Papiamentu komo idioma di instrukshon i Hulandes komo materia, banda di atenshon pa formashon estétiko i sosial-emoshonal mas riku pa logra esaki. 

​

Riba 15 di ougùstùs 2018, orguyosamente FSHP a kuminsá ku un skol bilingual na Papiamentu i Ingles riba nivel di HAVO/VWO ku e nòmber SKAIH Pre-Universitario / SKAIH Pre-University.

CXC | CARIBBEAN EXAMINATIONS COUNCIL

Caribbean Examinations Council, CXC, ta e komishon Karibense ku ta proveé nos studiantenan ku nan eksamennan final di e ultimo aña eskolar di nan estudio na S.P.U.

E Komishon su mishon ta pa sigurá kompetitivismo Karibense di rekurso humano global pa medio di siguransa di kalidat den edukashon i sertifikashon komprensivo.

​

Na aña 1979, CXC a ofresé su promé tipo di eksamen: CSEC. Esaki ta para pa Caribbean Secondary Education Certificate i ta ekivalente na – pero no meskos ku – e nivel Hulandes HAVO.

Promé ku CSEC, den aña 2, tur studiante di S.P.U. ta rekerí na pasa e eksamen di CCSLC. Esaki ta para pa Caribbean Certificate of Secondary Level Competence. E programa aki ta wòrdu ofresé na nos studiantenan den aña 1 i 2, i ta ekivalente na loke studiantenan na skolnan Hulandes ta sigui den forma di “Basisvorming”, kual ta e promé dos añanan di skol avansá na tur nivel.

NUFFIC

Nuffic ta e organisashon Hulandes ku ta para pa internashonalisashon den edukashon i edukashon bilingual di kalidat haltu.

​

Desde nan ofisina prinsipal na Den Haag i nan 10 ofisinanan rònt mundu, nan ta trese hende, idiomanan I kulturanan huntu i alabes nan ta enkurashá un i tur pa krea nan mes bareranan. Nuffic tin mas ku 130 skol bilingual (Hulandes: “tweetalig onderwijs school/ tto-school”) na nivel di HAVO/VWO, pero tambe VSBO, ku ta afiliá na i sertifiká dor di nan organisashon. SKAIH Pre-Universitario ta un di e tres skolnan bilingual na Kòrsou ku tambe ta afiliá na Nuffic.