SKAIH PRE-UNVERSITARIO

SKAIH Pre Universitario ( S.P.U ) ta un skol riba nivel di HAVO / VWO meskos ku e otro skolnan, ku e diferensia ku e alumnonan ta haña lès na Papiamentu i Ingles. Alumnonan ku skohe pa bai SKAIH Pre Universitario tin un reto èkstra : aunke nan ta siña Hulandes tambe, lèsnan no ta na Hulandes, manera na otro skolnan HAVO / VWO, pero na Papiamentu i Ingles. Sigur mitar di e materianan ta na Papiamentu i e otro mitar ta na Ingles. Papiamentu pa kompronde bo komunidat i Ingles pa bo pa bo por sigui enseñansa superior tur kaminda na mundu.

SKAIH VSBO

SKAIH VSBO ta konsistí di 19 klas. Nos ta un skol integrá Humanista na Papiamentu. Skol a traha duru riba nos sistema digital pa brinda mayor akseso instantanio pa sigui desaroyo di e yu. “Mi desaroyo” ta un programa digital ku pronto lo ta operashonal.

Nos di SKAIH VSBO ke pa tur subrinu tin;

  • Un eksperensia fruktífero na skol​

  • Un lugá protehá kaminda nan ta sinti nan mes apresiá.

  • Regla di skol pa tur kos kana bon, strukturá i na òrdu.

  • Desaroyo personal ku atenshon deseá pa yega mas leu posibel.

KOLEGIO ERASMO FO I YOGATINA

Nos na Kolegio Erasmo ta basa nos edukashon segun filosofia Humanista. Filosofia Humanista ta un aserkamentu di bida kreá pa Desiderio Erasmus. E filosofia aki su meta ta pa krea mas i miho hende / suidadano den bo pais ku un konsenshi elevá i krítiko. Nos ta duna kontenido na nos filosofia dor di hasi uzo di e 5 pilánan Humanista. E sinku pilánan Humanista ta: igualdat, solidarismo, durabilidat, rashonalidat i libertat.

Tuma kontakto ku SKAIH